Nest Afterschool
Mirë se vini!
në afterschool unik!
Një qendër multifunksionale për fëmijë me nevoja të veçanta e vetmja e këtij lloji në Tiranë
Nest Afterschool
Rreth nesh
Nest Afterschool Tirana është krijuar nga Anisa Dizdari.
Një profesioniste me mbi 20 vite përvojë në fushën e zhvillimit të fëmijës dhe më shumë se 12 vite si drejtuese e Qendrës TISS. E specializuar në ndërhyrje për fëmijë me çrregullime neurozhvillimore dhe e certifikuar në Metodën ABA për Autizëm dhe çrregullime të tjera të zhvillimit, Anisa ka ndërtuar një reputacion të fortë si zë aktiv në promovimin e përfshirjes dhe pranimit të diversitetit në shoqëri.
Në Nest, përveç eksperiencës së Anisës, punon një ekip i përgatitur dhe i përkushtuar, që përfshin: Eriona Alliu, Enxhi Shapku, Denada Fera, Pëllumb Legisi dhe Assia Hysenaj. Të gjithë së bashku ofrojnë mbështetje profesionale dhe një ambient të sigurt, gjithëpërfshirës dhe motivues për zhvillimin optimal të çdo fëmije.
Nest është një qendër multifunksionale për fëmijë me nevoja të veçanta e vetmja e këtij lloji në Tiranë. Një ambient profesional, miqësor dhe i përshtatur sipas nevojave sensoriale të fëmijëve.
Nest Afterschool
Profilet e stafit
Në Nest punon një ekip i përgatitur dhe i përkushtuar, që përfshin:
Eriona Alliu, Enxhi Shapku, DenadaFera, Pëllumb Legisi dhe Assia Hysenaj.
Eriona Alliu
Psikologe
Eriona Alliu është psikologe me diplomë Msc dhe e specializuar si terapiste ABA (Applied Behavior Analysis). Ka përvojë në mbështetjen dhe zhvillimin e fëmijëve me çrregullime të spektrit autik dhe vështirësi të tjera zhvillimore. E përkushtuar dhe e ndjeshme në qasjen e saj, Eriona synon të ofrojë mbështetje të personalizuar, duke nxitur çdo hap të progresit si një arritje domethënëse. Puna me fëmijët është për të një burim energjie dhe motivimi të vazhdueshëm.
Enxhi Shapku
Sp. e Punës Sociale
Enxhi Shapku është specialiste e Punës Sociale, e diplomuar në Universitetin e Sofies në Bullgari. E trajnuar në metodologjinë ABA (Applied Behavior Analysis), ajo ka ndërtuar një përvojë të vlefshme në mbështetjen individuale të fëmijëve me çrregullime neurozhvillimore. Me një qasje të ndjeshme, të duruar dhe profesionale, Enxhi fokusohet në krijimin e një ambienti të sigurt dhe përfshirës, ku çdo fëmijë ka mundësinë të arrijë potencialin e vet. Ajo përdor strategji të personalizuara për të nxitur zhvillimin emocional, social dhe kognitiv, duke e vendosur gjithmonë mirëqenien dhe nevojat unike të fëmijës në qendër të procesit të ndërveprimit
Denada Fera
Sp. Gjuhë Shqipe & Letërsi
Denada Fera është diplomuar në Master për Mësuesi, me specializim në Gjuhë Shqipe dhe Letërsi. E trajnuar në metodën ABA (Applied Behavior Analysis), ajo ka përvojë në mbështetjen akademike dhe zhvillimore të fëmijëve me çrregullime neurozhvillimore.Denada është gjithashtu e kualifikuar në identifikimin dhe trajtimin e vështirësive si disleksia, vonesat në të folur dhe çrregullimet e spektrit të autizmit. Me një karakter të fortë, qëndrueshmëri dhe aftësi për menaxhimin e situatave sfiduese, ajo kombinon përkushtimin profesional me pasionin për të ndihmuar çdo fëmijë të ecë përpara në mënyrë të qëndrueshme dhe të sigurt.
Pëllumb Legisi
Sp. për fëmijët me aftësi ndryshe
Pëllumb Legisi është një nga specialistët e parë në Shqipëri të profilizuar për punën me fëmijët me aftësi ndryshe, me trajnim nga ekspertë zviceranë. Që prej vitit 2006, ai është angazhuar në ndërhyrje direkte për fëmijët me vështirësi në të nxënë dhe probleme gjuhësore, duke ofruar mbështetje në shkolla të specializuara dhe institucione të ndryshme në Tiranë. Me një profil të fuqishëm në muzikë, ai ka integruar Muziko-Terapinë dhe Art-Terapinë në shërbim të fëmijëve me autizëm dhe si pjesë e formimit të mësuesve, ndërsa vijon të kontribuojë në kërkime dhe trajnime që promovojnë ndërhyrjen e hershme dhe përfshirjen e familjes në procesin terapeutik.
Assia Hysenaj
Instruktore baleti dhe yoga
Assia Hysenaj është Instruktore baleti dhe yoga, një talent i lindur me pasion për artin e lëvizjes. E rritur në shkollën e baletit, Assia kombinon mjeshtërinë e baletit klasik me freskinë e baletit modern dhe ritmet e gjalla të valles popullore. Ajo është jo vetëm një balerinë e përkushtuar, por edhe një edukatore e dashur, që gjen gëzim në punën me fëmijët dhe i frymëzon ata të eksplorojnë botën e artit me dashuri dhe përkushtim. Me energjinë dhe pasionin e saj, Assia sjell në secilën orë një eksperiencë unike që lidh trupin, shpirtin dhe krijimtarinë.
